Արենիի Գինու Գործարան: Արենիի Գինու Գործարանն առաջարկում է 15 տեսակ գինիներ, որոնցից 7-ը մրգային են։ Վայելիր անսահմանության բերկրանքը՝ զգալով կենարար հեղուկի անասելի զորությունը: (2017-02-23 18:33:00)

Արենիի Գինու Գործարան ՓԲԸ-ն հիմնադրվել է 1994թ-ին ՀՀ Վայոց Ձոր մարզի Արենի գյուղում, Սիմոնյան ընտնիքի նախաձեռնությամբ, նպատակ ունենալով շարունակել ու հարստացնել պապենական գինեգործական ավանդությունները: Գենետիկորեն կրելով գինի արարելու աստվածային շնորհը՝ պատմական Արենիում հիմնադրված գինու գործարանը կարճ ժամանակահատվածում կարողացավ ընդլայնել արտադրության ծավալները՝ հանրությանն առաջարկելով բարձրօրակ գինու տարբեր տեսակներ:

Հնուց ի վեր մարդիկ համարում էին Հայաստանը խաղողի որթատնկի և խաղողագործության առաջացման հիմնական աղբյուրներից մեկը…

Հայկական գինին՝ պարզապես խմիչք չէ: Դա իրական արվեստ է, որը փոխանցվում է սերնդեսերունդ, հորից՝ որդուն: Եթե Դուք այցելեք Հայաստան, մասնավորապես՝ Վայոց Ձոր, ապա անպայման փորձեք Արենիի Գինեգործարանի գինին: Միայն այստեղ է հնարավոր զգալ այս խմիչքի անմահական համն ու դրախտային բույրը: Միայն այստեղ Ձեզ կառաջարկեն փորձել գինու տարբեր սորտեր, որոնք տարբերվում են միմյանցից այնպես, ինչպես բոլոր մարդիկ են իրարից տարբերվում:

Կլիմայական յուրահատուկ պայմանները, հողի բաղադրությունը, խաղողի բազմաթիվ տեսակները, քրտնաջան աշխատանքն ու Արենիի բնակիչների հյուրընկալ բնավորությունը թույլ են տալիս պատրաստել հոյակապ և յուրահատուկ գինիներ, որոնք ցանկացած սեղան կարող են վերածել խնջույքի:

Արենի- էնդեմիկ հայկական տեխնիկական տարատեսակ է, որը ուշ է հասունանում։ Այն վերաբերում է բնապահպանական-աշխարհագրական խմբի արեւելյան խաղողի տեսակին։

Սև Արենի խաղողը հայ ժողովուրդը օգտագործվել է դեռևս հնագույն ժամանակներից և պատրաստում հայտնի հայկական գինիները։

Հազարավոր տարիների էվոլյուցիայի և գոյապայքարի արդյունքում սև Արենին ձեռք է բերել մի բացառիկ հատկություն՝ հարմարվել մայրցամաքային կլիմային և սովորում է դիմակայել հիվանդություններին։ Խաղողը ժամանակի ընթացքում ձեռք է բերել շատ հաստ մաշկ, որը կատարելապես պաշտպանում է այն կտրուկ ջերմաստիճանի տատանումներից, որը այնքան բնորոշ է այս լեռնային շրջանին։