Կամավորների ընդունելություն: "Զարգացում" հոգեբանական համալիրը հայտարարում է նոր կամավորների ընդունելության մասին։ Կամավորական աշխատանքի տևողությունը՝ 3 ամիս: Պարտադիր պայմաններն են ՝

• Բարձրագույն հոգեբանական կամ հոգեբանամանկավարժական կրթություն
• Երեխաների տարիքային առանձնահատկությունների մասին տեսական գիտելիքների առկայություն
• Թիմոմ աշխատելու հմտություններ
• Նոր գիտելիքներ ձեռք բերելու, առավել մասնագիտորեն զարգանալու մեծ ձգտում
• Սեր դեպի երեխաներն ու իր մասնագիտությունը
• Ակտիվ և էներգիայով լի անձնավորություն

• Երեխաների հետ խմբային և անհատական աշխատանքի փորձ։
• Հնարավորություն առաջինը տեղեկանալու և մասնակցելու կազմակերպությունում անցկացվող բոլոր սեմինար–թրեյնինգներին, միջոցառումներին
• Հնարավորություն հետագայում կազմակերպությունում աշխատելու որպես հոգեբան–մանկավարժ

• Օրական 3–4 ժամ գտնվել կազմակերպությունում՝ ներգրավվելով կազմակերպության բոլոր աշխատանքներին։
• Մշակել և իրականացնել երեխաների զարգացմանը նպաստղ ծրագիր /սուպեր վայզեր/–ի աջակցությամբ։

Զարգացում հոգեբանական համալիրը հիմնադրվել է և սկսել է իր գործունեությունը 2014 թ.-ի սեպտեմբեր ամսին: Համալիրի ստեղծման նպատակն է տրամադրել խորհրդատվական, հոգեթերապևտիկ, սոցիալ հոգեբանական և հոգեբանամանկավարժական ծառայություններ բոլոր տարիքային խմբերին պատկանող մարդկանց։ Նաև իրականացնում է սկսնակ հոգեբանների վերապատրաստում և տարիքին համապատասխան զարգացման ապահովում նախադպրոցական տարիքի երեխաների համար։

Հոգեբանական օգնությունը անհրաժեշտ է տարբեր իրավիճակներում՝ վախ միայնակությունից, ապրած սթրեսներ, անինքնավստահություն, ցածր ինքնագնահատական: Վերը նշվածները հոգեբանական խնդիրներից մի քանիսն են, որոնք հաղթահարել ինքնուրույն, առանց մասնագիտական օգնության երբեմն անհնար է:

Հոգեբանի հետ զրույցը օգնում է դառնալ համբերատար, վերանայել սեփական վարքը և սկզբունքները: