Մեթադոնային փոխարինող բուժում: Գյումրու հոգեկան առողջության կենտրոնը իրականացնում է Մեթադոնային փոխարինող բուժման ծրագիր:
Մեթադոնային փոխարինող բուժում, ՄՓԲ, մեթադոնի երկարաժամկետ գործածման միջոցով ափիոնատիպ նյութերից (ինչպիսին է հերոինը) բուժում, երբ դետոքսիֆիկացիոն բուժումն անհաջողության է մատնվել և/կամ կախվածությունից բուժում տրամադրող հաստատությունը պահանջում է ամբողջական զսպվածություն (ժուժկալում)։ ՄՓԲ-ն սոցիալական վերականգնման առաջին քայլը դարձնում է հնարավոր, քանի որ կախվածություն ունեցող անձանց թույլ է տալիս զսպվածության ժամանակ խուսափել զրկանքի համախտանիշի՝ անհարմարություն պատճառող ախտանշաններից։ ՄՓԲ-ն կարող է կիրառվել նաև այն անձանց համար, ովքեր տառապում են այլ թմրամիջոցների գործածման հետևանքով առաջացող սուր ցավերից։ Այն ափիոնատիպ նյութերից կախվածության բուժման պալիատիվ օգնության ձև է։
ՄՓԲ հիմնական նպատակներն են․
1. վերացնել կամ հնարավորինս մեղմել ափիոնատիպ նյութերի նկատմամբ հիվանդագին հակումը և դրանց գործածումը,
2.նվազեցնել ափիոնատիպ նյութերի առաջացրած առողջական և սոցիալական վնասները,
3.բարելավել կախվածություն ունեցող հիվանդների առողջական վիճակը և կյանքի որակը,
4.կախվածություն ունեցող անձանց կենսագործունեությունը հասցնել հնարավոր լավագույն մակարդակին։
ՄՓԲ օգնությամբ հնարավոր է լինում կազմակերպել կամ վերակազմակերպել կախվածություն ունեցող անձանց առօրյա կյանքը, զերծ պահել իրավախախտումներից, օժանդակել դառնալու հանրության լիարժեք անդամ։ (2018-06-05 10:22:34)

Սիրով ողջունում եմ Ձեր մուտքը Գյումրու Հոգեկան առողջության կենտրոն ՓԲԸ-ի կայք:

Գյումրու Հոգեկան առողջության կենտրոն ՓԲԸ-ը գտնվում է Գյումրի քաղաքի հարավ արևմտյան մասում «Մայր Հայաստան» հուշահամալիրի հարևանությամբ, սպասարկում է Շիրակի մարզի ազգաբնակչությանը:

Գյումրու «Հոգեկան առողջության կենտրոն»-ը փակ բաժնետիրական ընկերություն է, որի հիմնադիրը հանդիսանում է «Շիրակի մարզպետը»:

Գյումրու «Հոգեկան առողջության կենտրոն» ՓԲԸ-ն ստեղծվել է 1996թ-ի մարտին, ինքնուրույն իրավաբանական կարգավիճակ ունեցող երեք բժշկական հաստատությունների` նախկին հոգեբուժական, նարկոլոգիական և նևրոզների դիսպանսերների բազայի վրա:

2002թ.-ին Գյումրու «Հոգեկան առողջության կենտրոն» ՓԲԸ-ն ձերբազատվել է տնակային կառույցից և տեղեփոխվել է վերակառուցված եռահարկ` ներկայիս կառույցը:

Բակի ընդհանուր մակերոսը` 1.8 հա:
Կից եռահարկ քարաշեն կառույց`
1-ին հարկ – 494.1 քմ, որից

ա) Նևրոզների ծառայություն – 164.7 քմ
բ) Դիսպանսեր և վարչական մաս – 329.4 քմ

Սպասարկող ազգաբնակչության թիվը – 173084 մարդ,

2-րդ հարկ – 494.1 քմ, որից

ա)Նարկոլոգիական բաժանմունք – 164.7 քմ – մահճակալ
բ) Հոգեբուժական կանանց բաժանմունք – 329.4 քմ – մահճակալ,

3-րդ հարկ – 494.1 քմ, որից

ա)Հոգեբուժական տղամարդկանց բաժանմունք – 494,1քմ – 30 մահճակալ

Օժանդակ կառույցներ`
ա)Խոհանոց, կաթսայատուն – 123,5 քմ