Որոնում

www@ Հովհաննես Թումանյանի Թանգարան
Հովհաննես Թումանյանի Թանգարան / 1953

Հասցե՝ Երևան, 0002, Մոսկովյան փող. 40
 
Կոնտակտներ
Հեռախոս / Ֆաքս Հեռախոս՝ (37410) - 560021, (37410) - 516021
Աշխատանքային Օրացույց
Երկ Երք Չոր Հնգ Ուրբ Շբթ Կիր
Աշխատանքային Օրացույց
Կազմակերպության Մասին
Հ. Թումանյանի Թանգարան (1953)

Հովհաննես Թումանյանի Թանգարան Ցուցասրահների Քանակը՝ 5
Հովհաննես Թումանյանի Թանգարան Ցուցանմուշների Քանակը՝ 18000
Էջի Դիտումներ՝ 129
Մուտքը՝ Անվճար / Վճարովի Օրական Այցելուների Քանակը՝ 200-250
ՄուտքՀաշվի Մուտք / Գրանցում
Էջը Թարմացվել է՝ 2018-09-22Էջը Թարմացվել է՝ 2018-09-22 [ ≡ 303 Օր ]
Լուսանկարներ
Առանձնահատկություններ

Տեսակ
Թանգարան

Գրականության
Ծառայություններ
Ցուցահանդեսների Կազմակերում

Ցուցահանդես-Վաճառքի Կազմակերում

Համագումարների

Կոնֆերանսների

Սեմինարների

Շնորհանդեսների

Գիտաժողովների

Փառատոնների

Սրահների Վարձակալություն

Գիդի / Թարգմանչի Ծառայություններ

Կրթական Ծրագրերի Կազմակերպում
Հարմարություններ
Հանդերձարան

Պահասենյակ

Տեղեկատու Սեղան

Ուսումնասիրությունների Սենյակ

Գրադարան

Լուսանկարում / Տեսանկարում

Հանգստի Գոտի

Wi-Fi Ինտերնետ
Հայտարարություններ Հայտարարություններ

<<ՃԱՊՈՆԻԱՅԱԻ ՏԻԿՆԻԿՆԵՐԸ>> ցուցադրություն: Սեպտեմբերի 20-ին ժամը 14:00-ին Հովհ. Թումանյանի թանգարանի ցուցասրահում բացվեց «ՃԱՊՈՆԻԱՅԻ ՏԻԿՆԻԿՆԵՐԸ» - Աղոթքի ձևեր, Սիրո մարմնացումներ Խորագիրը կրող աննախադեպ ցուցադրություն: Թանգարանի այցելուներին կներկայացվեն Ճապոնական տիկնիկագործական արվեստի յուրահատուկ նմուշներ: Ճապոնիայում հնուց անտի տիկնիկները կենցաղի մաս են կազմել։ Ճապոնական տիկնիկները ներկայացնում են ճապոնական տարազները և դրանք կրողների էությունը, ունեն հստակ տարածքային հատկանիշներ և դարերի ընթացքում տարաբնույթ ձևեր են ստացել : Ճապոնական տիկնիկների միջոցով ներկայնում են նաև ազգային արհեստները, ինչպես, օրինակ՝ մանածագործությունը: Ցուցահանդեսը կազմակերպվել է Ճապոնիա Հիմնադրամի, ՀՀ-ում Ճապոնիայի դեսպանության և Հովհ. Թումանյանի թանգարանի կողմից : Ճապոնիայի Հիմնադրամը համագործակցում է աշխարհի ավելի քան 130 երկրների հետ՝ միջազգային մշակութային փոխանակումների ոլորտում։ Այդ գործունեությունը կենտրոնացած է հիմնականում երեք ծրագրային ուղղություններում՝ արվեստների և մշակութային փոխանակում,արտերկրում ճապոներեն լեզվի ուսուցում, ինտելեկտուալ փոխանակում։ Վիզուալ արվեստների միջոցով ճապոնական մշակույթն ավելի մատչելի դարձնելու նպատակով Հիմնադրամը համագործակցում է արտերկրի թանգարանների հետ՝ բազմաբնույթ ցուցահանդեսների միջոցով ներկայացնելով ինչպես ավանդական, այնպես էլ ժամանակակից ճապոնական արվեստները։ «ՃԱՊՈՆԻԱՅԻ ՏԻԿՆԻԿՆԵՐԸ» ցուցահանդեսին կներկայացվեն • Ծագող արևի երկրից ժամանած 7 տասնյակ բացառիկ տիկնիկներ • ՀՀ-ի նախագահ Արմեն Սարգսյանի ընտանիքի հիմնադրամին պատկանող ճապոնական մեկ տիկնիկ • Հովհ. Թումանյանի ճապոնական հետաքրքրությունները Ցուցահանդեսի պաշտոնական բացումը Սեպտեմբերի 20-ին , ժամը 14:00 Հովհ. Թումանյանի թանգարանում: Այն կտևի մինչև Նոյեմբերի 11-ը: (2018-09-22 14:49:01)

Հովհաննես Թումանյան (5 Լուսանկար / 2018-09-22)
Մեր Մասին Մեր Մասին

Մենք բոլորս մեծանում ենք Թումանյանով: Նա մեզ հետ է մեր ամենավաղ հասակից մինչև խոր ծերություն: Եվ հիրավի կենսական պահանջ էր մայրաքաղաքում ունենալ Ամենայն հայոց բանաստեղծի թանգարան: Դա այն միակ վայրն էր դառնալու, որտեղ հայ ժողովուրդը կարող էր լինել սիրելի պոետի տանը, շփվել նրա հետ, ընկալել նրա կենսական էներգիան: Եվ այսպես, 1949 թվականին՝ բանաստեղծի ծննդյան 80 ամյակի կապակցությամբ, նրա հիշատակը հավերժացնելու, գրական ու նյութական ժառանգությունը պահպանելու նպատակով, Հայաստանի կառավարությունը, Կենտկոմի առաջին քարտուղար Գրիգոր Հարությունովի ղեկավարությամբ, որոշում ընդունեց Երևանում թանգարան կառուցելու մասին: 1953թ. ապրիլից, Երևանի Մոսկովյան 40 հասցեում, ճարտարապետ Գրիգոր Աղաբաբյանի նախագծով բացվեց մեծ մտածող, հումանիստ, գրող, հեքիաթագիր Հովհ. Թումանյանի թանգարանը, որտեղ խնամքով պահվում է ավելի քան 18000 ցուցանմուշ: Թանգարանի երկրորդ հարկում գտնվող վեց սրահներում ամենայն մանրամասնությամբ վերարտադրված է Հովհ. Թումանյանի Թիֆլիսյան վերջին բնակարանը: Նույն հարկում առանձին սրահում ներկայացված է թանգարանի մեծագույն արժեքներից մեկը` Հովհ. Թումանյանի անձնական բացառիկ ու բազմաբնույթ գրադարանը մոտ 8000 գրքով: Գրողի հասարակական գործչի կյանքին և գործունեությանը վերաբերող նյութերը /լուսանկարներ, նամակներ, փաստաթղթեր, ձեռագրեր, հեքիաթների և պատմվածքների թեմաներով ստեղծված նկարազարդումներ /ժամանակագրական կարգով ցուցադրված են առաջին հարկում , որտեղից էլ սկսվում է այցելուի ծանոթությունը թանգարանի հետ: Խորհրդավոր տպավորություն է թողնում Թիֆլիսի «Վերնատան» կրկնօրինակը: Թվում է, թե հիմա, ուր որ է` Թումանյանի գլխավորությամբ այստեղ կհայտնվեն 19-րդ դարավերջի և 20-րդ դարասկզբի մեր մեծ մտավորականները` Ղ. Աղայանը, Լ. Շանթը, Դ. Դեմիրճյանը, Կոմիտասը, Բաշինջաղյանը, Իսահակյանը և կսկսվի բուռն և իմաստուն զրույցը: Թանգարանը հարուստ է նաև կերպարվեստի գլուխգործոցներով, որոնք զարդարել են Թումանյանի բնակարանն իր կենդանության օրոք /Գ. Բաշինջաղյան, Թերլեմեզյան/, նաև նոր գործերով, որոնք ստեղծվել են մտավորականի կյանքի և ստեղծագործությունների ազդեցությամբ /Մ. Սարյան, Գր. Խանջյան, Ալ.Գրիգորյան և այլոք/: Թանգարանի ուշագրավ անկյուններից է նաև «Լոռվա ձորը» համայնապատկերը, որի դիտումն ուղեկցվում է «Անուշ» օպերայի հնչյուններով` այցելուին տեղափոխելով Հայաստանի հյուսիսային ամենից գեղեցիկ անկյուններից մեկը: Երկրորդ հարկում գտնվում է ընդարձակ, լուսավոր դահլիճ` նախատեսված ցուցահանդեսների, միջոցառումների, ներկայացումների համար: Թանգարանի ձմեռային այգին թումանյանական թեմաներով քանդակի յուրատեսակ ցուցահանդես է: Թանգարանի ներքին բակում Թումանյանի սիրած պտղատու ծառերով ու ծաղիկներով բաց այգին է` փոքրիկ ջրավազանով: Դեպի թանգարան տանող 54 աստիճանը մեծ հայի կյանքի տարիները խորհրդանշող թիվն է: Թանգարանը ծավալում է բազմաբնույթ և ակտիվ գործունեություն՝ գրավիչ և հաճելի վայր մնալով թե՛ Հայաստանում, թե՛ նրա սահմաններից դուրս՝ հայ և օտար ազգերի մշակութասեր հասարակության համար: Թանգարանում այցելուն կարող է վայելել նոր տեխնոլոգիաների կիրառման ինքնատիպ փորձեր՝ համադրված դասական ցուցադրության հետ, դիտել անիմացիոն եռաչափ մուլտֆիլմեր, հեռախոսային հատուկ հավելվածների միջոցով հանդիպել անսպասելին ու լուսանկարվել, մասնակցել զանազան միջոցառումների, կրթական ծրագրերի, ցուցահանդեսների: Թանգարանը զբաղվում է նաև լուրջ գիտական գործունեությամբ՝ ուսումնասիրելով և հրապարակելով Թումանյանի ընտանիքի՝ հատկապես զավակների արխիվները, Թումանյանին վերաբերող նոր նյութեր, կազմակերպելով մանկական գրականությանը և հեքիաթագիտությանը վերաբերող գիտաժողովներ:

Լավագույն Դահլիճներ / Ցուցանմուշներ
Շրջայցեր / Ծրագրեր

Գնացուցակ
Գնացուցակ
Լրացուցիչ Բաժին
Սոցիալական Կայքեր Սոցիալական Կայքեր
FacebookSkypeTwitterОдноклассникиВконтактеInstagramLinkedInYouTubeGoogle PlusPinterest
Գնահատել Գնահատել
Վատ Անբավարար Միջին Լավ Գերազանց



Divider
Էլեկտրոնային Հայաստան © ®