Գրասենյակի նորաբաց մասնաճյուղ: 2015 թվականի հունիսի 1-ից բացվեց № 1 փաստաբանական գրասենյակի մասնաճյուղը՝ Անշարժ գույքի պետական կոմիտեի Կենտրոն սպասարկման գրասենյակի տարածքում: (2015-07-15 16:50:59)

№ 1 փաստաբանական գրասենյակը մատուցում է իրավաբանական ծառայություններ բոլոր տեսակի կազմակերպություններին և անհատներին, ինչպես Հայաստանում, այնպես էլ արտերկրում: Մեր գրասենյակի գործունեության հիմնական ուղղությունը հայկական և արտասահմանյան վստահորդներին, ինչպես ձեռնարկատիրական գործունեության իրականացման հետ կապված, այնպես էլ քաղաքացիաիրավական ոլորտի հարցերով իրավաբանական օգնության տրամադրումն է:

№ 1 փաստաբանական գրասենյակի գլխավոր նպատակը իր վստահորդներին բարձրակարգ և պրոֆեսիոնալ իրավաբանական ծառայությունների օպերատիվ մատուցումն է:

Մենք աշխատում ենք, որպեսզի ապահովենք մեր վստահորդների իրավական անվտանգությունը, պաշտպանենք նրանց շահերը դրանով իսկ նպաստենք բարեխղճության, արդարության և խելամտության սկզբունքների վրա հիմնված իրավական միջավայրի և դատական համակարգի ձևավորմանը:

Մեր աշխատանքային կոլեկտիվը բաղկացած է բարձրակարգ պրոֆեսիոնալ մասնագետներից, որոնք իրավունքի տարբեր բնագավառներում ունեցած իրենց գիտելիքների և փորձի հիման վրա մատուցում են մասնագիտացված իրավաբանական օգնություն:

№ 1 փաստաբանական գրասենյակի առաջնային խնդիրներից է իրավաբանական ծառայությունների շուկայում լինել միշտ առաջինը, այդ իսկ պատճառով գրասենյակի իրավաբանները ժամանակ առ ժամանակ վերապատրաստվում են ինչպես Հայաստանում, այնպես էլ արտերկրում:

Ի դեպ մեր իրավաբանները անհատական խորհրդատվություն են մատուցում նաև Հայաստանի Հանրապետության Ազգային Ժողովի տարբեր պատգամավորների, մասնակցում են օրենքների նախագծերի մշակմանը:

№ 1 Փաստաբանական գրասենյակը քաղաքացիաիրավական ոլորտում մատուցում է իրավաբանական բնույթի մեծ թվով ծառայություններ, որոնք ուղղված են ինչպես անձանց իրավունքների պաշտպանությանը, այնպես էլ Հայաստանում արտասահմանյան բիզնեսի շահերի պաշտպանությանը:

№ 1 Փաստաբանական գրասենյակի փաստաբանները արտոնագրված են և հանդիսանում են ՀՀ Փաստաբանների պալատի անդամներ: Գրասենյակի փաստաբանները վերապատրաստված են արտասահմանում և մեծ փորձ ունեն կորպորատիվ և աշխատանքային իրավունքի, ընտանեկան և ժառանգական իրավունքի, պարտքերի բռնագանձման, անշարժ գույքի, դատական պաշտպանության, հարկային, մաքսային, մտավոր սեփականությանոլորտներում: Մենք զբաղվում ենք նաև Հայաստանում կազմակերպությունների գրանցմամբ և լուծարմամբ:

Մեր մասնագետները կախված Ձեր բիզնեսի ոլորտից ճիշտ խորհրդատվություն կմատուցեն, թե ինչ կազմակերպաիրավական տեսակի Ընկերություն է առավել նպատակահարմար Ձեզ հիմնադրելու: № 1 Փաստաբանական գրասենյակը համագործակցում է, ինչպես արտասահմանյան տարբեր իրավաբանական ընկերությունների, այնպես էլ պետական և ոչ պետական ձեռնարկությունների հետ: Մեր գրասենյակի միջոցով դուք կարող եք Ձեր ապրանքային նշանները գրանցման ներկայացնել աշխարհի ցանկացած երկրում:

Գրասենյակի փաստաբանների բազմամյա փորձը թույլ է տալիս ապահովել լիարժեք իրավական խորհրդատվություն հաճախորդներին:

Մեր փաստաբանական գրասենյակը երաշխավորում է խիստ գաղտնիությունը: № 1 փաստաբանական գրասենյակը ամեն ինչ անում է, որպեսզի իր գործունեությունը համապատասխանի իր կարգախոսին, լինի «Առաջինը հավասարների մեջ»:

№ 1 փաստաբանական գրասենյակի հիմնադիր-նախագահ՝ Կարեն Աղաջանյան