Որոնում

Վերադառնալ Հաճնի Ձոր Ռեստորան Հաճնի Ձոր Ռեստորան / Հատուկ Առաջարկներ
Հաճնի Ձոր Ռեստորանային Համալիր

Հաճնի Ձոր Ռեստորանային Համալիր

Հաճնի Ձորը բազմաֆունկցիոնալ ռեստորանային համալիր է, որում Դուք կարող եք գտնել երկու հանդիսությունների սրահ, լաունջ բար, առանձնասենյակներ, գինետուն, հյուրանոց․ մանկական խաղահրապարակ, լողավազան, կոնտակտային գազանանոց։

Ամառային շոգ օրերին Դուք կարող եք անցկացնել այստեղ տարբեր տեսակի միջոցառումներ և տոնակատարություններ։ Մինչ Դուք վայելում եք հանգիստը՝ Ձեր փոքրիկները կարող են անհոգ խաղալ մանկական խաղահրապարակում, որտեղ կան բատուտ, խաղային սեղաններ, մանկական ատրակցիոններ, լողավազան և այս ամենը հսկվում է հոգատար դայակի կողմից։ Տարածքում միշտ շրջում են անվտանգության աշխատակիցները՝ ապահովելով անվտանգ հանգիստ Ձեր և Ձեր ընտանիքի համար։

Հաճնի Ձոր Ռեստորանի Խոհանոց

Հաճնի Ձոր Ռեստորանի Խոհանոց

Հաճնի Ձոր ռեստորանի հիմնական առանձնահատկությունը կայանում է յուրահատուկ գաստրոնոմիկ կոնցեպցիայի մեջ, այլ կերպ ասած, այստեղ Դուք միշտ կգտնեք առավոտյան որսի թարմ ձկան տեսականի։ Ճաշացանկում առկա են ձկների հետևյալ տեսակները ՝ ռուսական թառափ, սիբիրյան թառափ, ծիածանափայլ իշխան, կողակ, կարմրախայթ, որոնք, ի դեպ, աճեցված են սեփական ձկնաբուծարանում։ Այստեղ հաճախորդը կարող է ինքն ընտրել ձկան պատրաստման եղանակը ՝ խորոված, թոնրի մեջ, եփած, տապակած, խմորի մեջ և նույնիսկ մարինացված։

Հաճնի Ձոր ռեստորանը առաջարկում է Ձեզ ընկղմվել գաստրոնոմիկ արկածային փորձության մեջ՝ որսալ և պատրաստել ձուկ Ձեր իսկ ձեռքերով։ Ձկնորսական պարագաները նույնպես կտրամադրվեն ռեստորանի կողմից։

Հաճնի Ձոր ռեստորանի ճաշացանկը բացի ձկնային ուտեստներից ներառում է նաև հայկական ավանդական, ռուսական, վրացական և եվրոպական խոհանոցի լավագույն ճաշատեսակները։

Բացօթյա Տաղավարներ Մանղալով

Բացօթյա Տաղավարներ Մանղալով

Հաճնի Ձոր ռեստորանային համալիրն իր հյուրերին ընդունում է ամբողջ տարի և այդ նպատակով համալիրի ամբողջ տարածքով՝ բնության գրկում, տեղակայված են բաց և փակ տաղավարներ։ Տաղավարները տարբեր չափերի են և կարող են ընդունել 6-ից մինչև 110 մարդ։ Տաղավարներում առկա են նստարաններ, սեղան, մանղալ, մաքուր ջուր, նույնիսկ թոնիր։ Անմիջապես տաղավարի ընտրությունից հետո հյուրերը ստանում են սեղանի սփռոց, ափսեներ։ Սպասարկող անձնակազմը կարող է տրամադրել նաև խորովածի շշեր, երաժշտական տեխնիկա և այլ անհրաժեշտ պարագաներ։ Տաղավարները գտնվում են գետի ամբողջ երկայնքով, որը հնարավորություն է տալիս չհեռանալով տաղավարից՝ որսալ ձուկ։ Ձկնորսական պարագաները նույնպես կտրամադրվեն ռեստորանի կողմից։


Divider
Էլեկտրոնային Հայաստան © ®