Հիմնադրվելով 2021 թ-ին՝ Իմպերֆոսս ընկերությունն իրագործել է ավելի քան 15 հաջողված նախագիծ, ձեռք բերելով վստահելի գործընկերներ և պատվիրատուներ։

Ընկերության գլխավոր առավելություններից մեկը հանդիսանում է պայմանագրի շրջանակներում հաստատված բոլոր կետերի ստույգ իրագործումը սահմանված ժամկետներում։ Ի շնորհիվ բարձրակարգ մասնագետների՝ ճարտարապետների, դիզայներների, ինժիներների, հարդարման տարբեր ոլորտների մասնագետներ, մենք կարողանում ենք ճշգրիտ հաշվարկել այս կամ այն շինարարական փուլի տևողությունը և տալ մեր պատվիրատուին ստույգ ժամանակահատված, որում կիրականացվեն բոլոր հնարավոր շինաշխատանքները։

Մեր պրոֆեսիոնալ թիմը մեծ փորձ ունի ցանկացած բարդության հարդարման և վերանորոգման աշխատանքներում: Կատարված բոլոր աշխատանքները համապատասխանում են ընդունված շինարարական նորմատիվներին և ենթարկվում են որակի բազմամակարդակ հսկողության: Մեր բարձրակարգ թիմը հագեցած է բոլոր անհրաժեշտ գործիքներով և սարքավորումներով, ինչը ևս մեկ անգամ խոսում է մեր կատարված աշխատանքի բարձր որակի և մեծ պատասխանատվության մասին։

Իմպերֆոսս ընկերությունը Ձեզ է առաջարկում օդափոխության համակարգերի ճշգրիտ նախագծում և տեղադրում:

Օդափոխության համակարգը մի շարք սարքավորումներից և խողովակներից բաղկացած բարդ համակարգ է, որը պահանջում է ստույգ հաշվարկներ։ Պետք է հաշվի առնել օդափոխվող տարածքի մակերեսը, որից և կախված է հիմնական սարքի հզորության ընտրությունը։ Բացի այդ հարկավոր է ճշգրիտ նախագծել և հաշվարկել օդափոխության խողովակների երկարությունն ու օպտիմալ եզրագիծը, ինչը թույլ կտա խնայել Ձեր բյուջեն և խուսափել հետագա բարդություններից։

Օդափոխության համակարգերի նախագծման մեջ հմտացած մեր մասնագետները կանցկացնեն խորհրդակցություն և կպատասխանեն ծախսերի օպտիմալացման վերաբերյալ բոլոր հարցերին՝ առաջարկելով լավագույն լուծումները Ձեզ համար։

Համադրելով գին, որակ, հուսալիություն հարաբերակցությունը՝ մեր ընտրությունը կանգ առավ չինական բարձրորակ օդափոխության համակարգեր մատակարարող՝ HOLTOP ապրանքանիշի վրա։ HOLTOP ընկերությունն արդեն իսկ 20 տարի է ինչ գործում է համաշխարհային շուկայում՝ առաջարկելով բարձրորակ օդափոխության համակարգեր և ձեռք բերելով վստահելի գործընկերներ տարբեր երկրներում:

Էլեկտրոմոնտաժային աշխատանքները շինարարական տարատեսակ աշխատանքների համալիր է, որն իրականացվում է տարածքի կապիտալ վերանորոգման ժամանակ և պահանջում է ստույգ հաշվարկներ ու համապատասխանություն շինարարական ընդունված նորմատիվներին։ Նման աշխատանքները ներառում են արտաքին և ներքին ցանցերի տեղադրում, մեկնարկային և պաշտպանիչ սարքավորումների տեղադրում, էլեկտրական վահանակների, արկղերի, էլեկտրական լուսավորության տեղադրում։

Էլեկտրոմոնտաժային աշխատանքներ իրականացնող մասնագետի հիմնական խնդիրն է ապահովել էլեկտրամատակարարման համակարգի անվտանգությունը, հուսալիությունը և համապատասխանությունը էներգիայի սպառման անհրաժեշտ մակարդակին: Էլեկտրամատակարարման համակարգի ոչ պատշաճ նախագծումը և մոնտաժը զգալիորեն մեծացնում է հետագա խնդիրների հավանականությունը՝ վտանգ ներկայացնելով մարդկանց և գույքի համար:

Համագործակցելով Իմպերֆոսս ընկերության բարձրակարգ մասնագետների հետ՝ Դուք կունենաք հուսալի և անխափան գործող էլեկտրամատակարարում: Մեր մասնագիտացված թիմի կողմից իրականացված էլեկտրոմոնտաժային աշխատանքների որակյալ կատարումը թույլ կտա լուծել ցանկացած օբյեկտի էլեկտրամատակարարման ամենաբարդ խնդիրները և արդյունավետ իրականացնել ոչ ստանդարտ նախագծեր:

Իմպերֆոսս ընկերությունը, հանդիսանալով գլխավոր կապալառու, իրականացնում է բնակելի և առևտրային տների կառուցում, առանձնատների կառուցում, վերակառուցում ու կապիտալ վերանորոգում։

Մեր ճարտարապետների և դիզայներների մեծ թիմը պատրաստ է նախագծել յուրաքանչյուր բարդության օբյեկտ՝ տալով ճշգրիտ վերջնահաշվարկ և ժամկետներ։ Օգտագործելով միայն ժամանակակից տեխնոլոգիաներ և ունենալով բարձրակարգ շինանյութի վստահելի մատակարարներ՝ մենք կարողանում ենք ապահովել շինարարական գործընթացի բարձր որակ և հանձնել օբյեկտը համապատասխան հաստատված նախագծի։

Իմպերֆոսս ընկերությունն, ունենալով մեծ փորձ կառուցապատման ոլորտում, պատրաստ է օգնել և կազմակերպել շինթուլտվության վկայականի ձեռք բերման հարցում։