Բարի գալուստ www.pages.am առցանց հարթակ (այսուհետ «Կայք»), որը կառավարվում է «Կամֆի» ՍՊԸ-ի կողմից՝ Էլեկտրոնային Հայաստան^® գրանցված ապրանքանիշի ներքո։ Այս Գաղտնիության Քաղաքականությունը բացատրում է, թե ինչպես է «Կամֆի» ՍՊԸ-ն («մենք», «մեր» կամ «մեզ») հավաքում, օգտագործում և պաշտպանում Ձեր տվյալները։ Մուտք գործելով և օգտագործելով Կայքը՝ Դուք համաձայնում եք այս Գաղտնիության Քաղաքականությանը։ Եթե համաձայն չեք ստորև շարադրվածի հետ, խնդրում ենք զերծ մնալ մեր ծառայություններից օգտվելուց։

1. Գործողության շրջանակ

Այս Գաղտնիության Քաղաքականությունը կիրառվում է հետևյալ խմբերի նկատմամբ՝

• Գրանցված օգտատերեր - կազմակերպությունների լիազորված ներկայացուցիչներ, որոնք ստեղծում և կառավարում են իրենց բիզնես էջերը Կայքում։
• Կայքի այցելուներ - անձինք, ովքեր դիտում կամ որոնում են տեղեկատվություն Կայքում՝ առանց հաշիվ ստեղծելու։

2. Հավաքագրվող տեղեկատվություն

Հավաքվող տվյալների տեսակները կախված են Ձեր փոխգործակցությունից Կայքի հետ՝

• Կայքի այցելուներ - IP հասցե (օգտագործվում է մոտավոր գտնվելու վայրը որոշելու համար), դիտարկիչի տեսակ և կարգավորումներ, սարքի և օգտագործման տվյալներ, այցելած էջեր և աղբյուրներ (cookie-ների և վերլուծական գործիքների միջոցով)։
• Գրանցված օգտատերեր - կազմակերպության / հաստատության անվանում, ՀՎՀՀ, հասցե, կոնտակտային անձի տվյալներ, հեռախոսահամար, էլ. փոստ, կայքի և սոցիալական ցանցերի հղումներ, լոգոտիպ, բիզնեսի նկարագրություն, գործունեության տեսակներ և վճարային տվյալներ։

3. Հավաքագրված տեղեկատվության օգտագործում

Հավաքված տվյալները մենք օգտագործում ենք հետևյալ նպատակներով՝

• Կազմակերպության տվյալների իսկության և տեղեկատուի պահանջներին համապատասխանության ստուգում։
• Բիզնես էջերի և հաշիվների պահպանում և կառավարում։
• Առցանց բանկային վճարումների մշակում բիզնես հաշիվների համար։
• Ծանուցումների, նորությունների, գործարքային հաղորդագրությունների և տեղեկագրերի ուղարկում էլ․ փոստի միջոցով։
• Կայքի այցելությունների վերլուծություն՝ Google Analytics-ի միջոցով։
• Անհատականացված և թիրախավորված գովազդների ցուցադրում՝ Google Ads-ի միջոցով։
• Կայքի ֆունկցիոնալության, անվտանգության և ծառայությունների որակի բարելավում։
• Օրենսդրական պահանջների և մեր ծառայության մատուցման պայմանների կատարման և կիրառման ապահովում։

4. Բաժանորդագրություն

Գրանցվելով Կայքում՝ Դուք համաձայնում եք էլ․ փոստի միջոցով ստանալ գովազդային բովանդակությամբ նամակներ, ծանուցումներ և տեղեկագրեր։ Դուք կարող եք հրաժարվել գովազդային նյութերի բաժանորդագրությունից՝ սեղմելով էլեկտրոնային նամակներում տեղադրված «չեղարկել բաժանորդագրությունը» կոճակը կամ ուղարկելով հարցում info@pages.am էլ․ փոստի հասցեին։

5. Cookie-ներ և հետևման տեխնոլոգիաներ

Մենք օգտագործում ենք cookie-ներ և նմանատիպ տեխնոլոգիաներ՝

• Ձեր նախընտրությունները հիշելու և Կայքի ֆունկցիոնալությունը բարելավելու համար։
• Google Analytics-ի միջոցով Կայքի այցելությունները վերլուծելու համար։
• Google Ads-ի միջոցով թիրախավորված գովազդային նյութեր ցուցադրելու համար։

Դուք կարող եք կառավարել կամ անջատել cookie-ները Ձեր դիտարկիչի կարգավորումներից, սակայն Կայքի որոշ ֆունկցիաներ կարող են սահմանափակվել դրանց անջատման դեպքում։

6. Երրորդ կողմի ծառայություններ

Մենք կարող ենք որոշակի տվյալներ փոխանցել երրորդ կողմերին՝ Կայքում ինտեգրված գործիքների և ծառայությունների անխափան աշխատանքն ապահովելու համար, այդ թվում՝

• Google Analytics՝ այցելությունների վերլուծության համար։
• Google Ads՝ թիրախավորված գովազդների ցուցադրման համար։
• Լիցենզավորված վճարային համակարգեր և ՏՏ ծառայություններ մատուցող ընկերություններ։

Երրորդ կողմերը կարող են օգտագործել cookie-ներ և նմանատիպ հետևման տեխնոլոգիաներ՝ իրենց գաղտնիության քաղաքականությունների համաձայն։ Մանրամասներին ծանոթանալու համար կարող եք այցելել Google-ի գաղտնիության քաղաքականության էջը։

7. Տվյալների պահպանում և անվտանգություն

Բոլոր հավաքված տվյալները պահվում են պաշտպանված սերվերներում։ Մենք կիրառում ենք ողջամիտ վարչական, տեխնիկական և կազմակերպչական միջոցներ հավաքագրված տվյալները չարտոնված փոփոխություններից կամ ոչնչացումից պաշտպանելու համար։ Սակայն ոչ մի էլեկտրոնային համակարգ լիովին ապահով չէ, և մենք չենք կարող երաշխավորել բացարձակ անվտանգություն։

8. Տվյալների պահպանման ժամկետ

Մենք պահպանում ենք հավաքագրված տվյալներն այնքան ժամանակ, որքան Ձեր հաշիվը ակտիվ է կամ առկա է տվյալների օգտագործման անհրաժեշտություն օրինական գործարար նպատակների համար։ Երբ տվյալներն այլևս անհրաժեշտ չեն, դրանք անվտանգ եղանակով ջնջվում են։

9. Ձեր իրավունքները

Որպես օգտատեր՝ Դուք ունեք հետևյալ իրավունքները․

• Մուտք գործել և թարմացնել Ձեր կազմակերպության վերաբերյալ տեղեկատվությունները։
• Պահանջել Ձեր հաշվի կամ տվյալների հեռացում։
• Հրաժարվել էլեկտրոնային նամակների գովազդային բաժանորդագրությունից։

Այս իրավունքներն իրացնելու համար կարող եք կապվել մեզ հետ info@pages.am էլ. փոստի հասցեով կամ մեր հետադարձ կապի միջոցով։

10. Տվյալների միջազգային փոխանցումներ

Ձեր տվյալները կարող են մշակվել կամ պահպանվել սերվերներում, որոնք գտնվում են Հայաստանի Հանրապետության սահմաններից դուրս՝ ներառյալ այն երկրները, որոնք կարող են չունենալ տվյալների պաշտպանության համարժեք օրենսդրություն։ Օգտվելով Կայքից՝ Դուք համաձայնում եք Կայքի անխափան աշխատանքի համար անհրաժեշտ տվյլաների միջազգային փոխանցումներին։

11. Երեխաների անձնական տվյալների պաշտպանություն

Կայքը և դրա ծառայությունները նախատեսված են բացառապես գործնական օգտագործման համար և ուղղված չեն 18 տարեկանից ցածր անձանց։ Մենք չենք հավաքում տվյալներ անչափահասների վերաբերյալ՝ հատուկ դիտավորությամբ։ Եթե կարծում եք, որ տրամադրվել են անչափահասի տվյալներ, խնդրում ենք անմիջապես կապ հաստատել մեզ հետ՝ դրանք հեռացնելու համար։

12. Քաղաքականության թարմացումներ

Մենք կարող ենք ժամանակ առ ժամանակ թարմացնել այս Գաղտնիության Քաղաքականությունը։ Փոփոխությունները կհրապարակվեն այս էջում՝ նոր ուժի մեջ մտնելու ամսաթվով։ Կայքի շարունակական օգտագործումը թարմացումներից հետո նշանակում է, որ Դուք ընդունում եք փոփոխված Գաղտնիության Քաղաքականությունը։