Բացելով 1993 թ-ին այն ժամանակ դեռ իմ փոքր ատամնաբուժական լաբորատորիան, և լինելով արդեն իսկ փորձառու մասնագետ ատամնաբուժական ոլորտում, ես ուզում էի օգտագործել իմ գիտելիքներն ու հմտությունները զարգացնելու համար բարձրորակ ատամնաբուժական ծառայություններ Հայաստանում։ Ունենալով արտասահմանյան ատամնատեխնիկայի օրինակ, ես իմ առջև նպատակ եմ դնում ընդլայնել և ստեղծել Հայաստանում լիարժեք, բարձրորակ ատամնաբուժական լաբորատորիա։ Բայց այն ժամանակ ես չէի կարող նույնիսկ պատկերացնել, որ 20 տարի անց մենք կհասնենք նման հաջողության, և իմ լաբորատորիան կընդարձակվի ու կդառնա մրցունակ միջազգային շուկայում ՝ բացելով սեփական մասնաճյուղը Մոսկվայում։
Այսօր ես ուրախ եմ և հպարտ եմ ասել, որ «Կարեն Դենտալ Լաբորատորիան» միակ ատամնաբուժական լաբորատորիան է Հայաստանում, որը հագեցած է նորագույն և բարձրորակ եվրոպական և ամերիկյան սարքավորումներով, ինչպես նաև բարձր որակավորում ունեցող մասնագետներով, որանք անընդմեջ բարելավում են իրենց գիտելիքները Եվրոպական լավագույն մասնագետների շնորհիվ։ Բոլոր այդ ձեռքբերումների շնորհիվ, այսօր, մեր լաբորատորիան կարող է պատրաստել պրոթեզներ, որոնք բավարարում են բոլոր գեղագիտական և ֆունկցիոնալ պահանջներին, կատարել ցանկացած տեսակի և բարդության աշխատանքներ ու վերցնել պատվերներ բազմաթիվ ստոմատոլոգիական կլինիկաներից։