Աշտարակ քաղաքում, Կարմրավոր եկեղեցու հարևանությամբ գտնվող Պասկալ և Դիոդատո սեզոնային սրճարանը բացվել է 2010թ. Երկու հայրենադարձ եղբայրների կողմից, ովքեր վերադարձել են Ֆրանսիայից ևԱվստրիայից: Փիեռ և Դիրան Բաղդադյանները ծնվել են սփյուռքում, բայց որոշել են տեղափողվել Հայաստան իրենց ընտանիքներով,որպեսզի վրեժխնդիր լինեն իրենց նախնիների համար, ովքեր որբացել են ցեղասպանության ժամանակ: Փիեռը և Դիրանը համոզվաց են, որ ավելի լավ է գալ Հայաստան և ստեղծել աշխատատեղեր քան հավերժ անիծել խավարը:

Սկզբում 2007թ. Նրանք ստեղծեցին Գուրմէ Դուևրմէ ընկերությունը, բարձրորակ շոկոլադի տունը, որը դարձավ Հայաստանի ամենաարագ զարգացող բրենդերից մեկը: Պասկալը և Դիոդատոն երկու հայեր էին, ովքեր 16-րդ դարում հաջորդաբար բացեցին առաջին սրճարանները Լոնդոնում, Փարիզում, Վիեննայումև Պրահայում: Հայաստանում այդ մասին անտեղյակ էին, մինչև բացվեց Պասկալ Դիոդատո սրճարանը Աշտարակում: Եղբայրները հպարտ են լինել այս տեղեկության միակ աղբյուրը, որը գայթակղում է տեղական և միջազգային ԶԼՄ-ների, ինչպես նաև բազմաթիվ զբոսաշրջիկների:

2010թ.-ից սկսած Պասկալ և Դիոդատո թիմը կազմակերպում է Աշտարակի միակ երաժշտական փառատոնը՝ Բարի Արագիլը: 2013թ.-ից նույն թիմը կազմակերպում է մեկ այլ միջոցառում, Հայաստանի ընկույզին նվիրված միակ փառատոնը՝ "Պոպոքի տոնը, պոպոքի տանը":

Միջոցառումը տեղի է ունենում ամեն տարի Հոկտեմբերի առաջին շաբաթ օրը: Այս երկու մեծ միջոցառումներն իրականացվում են բարեգործական նպատակով՝ քաղաքի բնակչությանն ուրախություն պարգևելու համար:

Երազելով տեսնել Ամանորյա և Սուրբ ծննդյան տոնավաճառ Հայաստանում՝ եղբայները որոշեցին իրենք կազմակերպեն այդ միջոցառումը: 2010թ.-ին Աշտարակում, Պասկալ և Դիոդատո սրճարանի առջև, բացվեց առաջին Սուրբ ծննդյան տոնավաճառը: Առաջին տարվա հաջողությունից հետո հաջորդ տարիներին միջոցառումը տեղափոխվեց Երևան, Հյուսիսային պողոտա, և դարձավ նոր Սուրբ ծննդյան ավանդույթ Հայաստանում:

Եղբայները ստեղծել են մոտ 30 աշխատատեղ Աշտարակ քաղաքում և պատրաստ են նոր նվաճումների: Նրանք հավատում են, որ ստեղծելով հզոր Հայաստան միայն կարելի է պատասխան տալ ցեղասպան թուրքին և նրա հետնորդներին, ովքեր այսօր փորձում են թուլացնել Հայաստանը՝ փակելով սահմանները: Նրանց նպատակն է օրինակ լինել սփյուռքի բոլոր հայերին, որ արտագաղթը քննադատելու փոխարեն աշխատատեղեր ստեղծեն:

Հարգելի հյուր, Ձեր այցելությունը շատ գնահատելի է և կօգնի մեզ շարունակել մեր առաքելությունը և անել ավելին, որպեսզի տեղաբնակները հավատան, որ կարող են դրամ վաստակել ապրելով իրենց քաղաքում, և ետ պահել նրանց արտերկրում փրկություն որոնելուց: