Սիսիանի շինարարական իրերի կոմբինատը՝ ՇԻԿ հիմնադրվել է 1974թ. և մի քանի տասնամյակների ընթացքում ինչպես պետական և հասարակական, այնպես էլ մասնավոր հատվածի շինարարության համար մատակարարել է բարձր որակի շինարարական արտադրանք Սիսիանի բազալտից:

Այսօր ՍԻՍԻԱՆ-ՇԻԿ ՓԲԸ-ն իրականացնում է բնական շինարարական քարերից, մասնավորապես բազալտից, ամենատարբեր չափերի ու պարամետրերի բարձրորակ շինարարական իրերի արտադրություն: Ընկերության հիմնական արտադրատեսակներն են.

• արտաքին երեսպատման սալիկներ
• ծածկասալիկներ
• եզրաքարեր
• սրբատաշ ու քուրքատաշ քարեր
• աստիճաններ
• քիվեր
• ձևավոր տարրեր
• շիրմաքարեր և այլն:

ՀՀ սահմաններում ընկերությունը հանդիսանում է բազալտե քարերի խոշոր վերամշակողներից: ՍԻՍԻԱՆ-ՇԻԿ ՓԲԸ-ի արտադրամասը գտնվում է Երևան-Մեղրի մայրուղու 200-րդ կմ հատվածում: Ընկերությունը շահագործում է սեփական բազալտե հանքավայրը, որը գտնվում է Սյունիքի մարզի Շաքիի համայնքում, զբաղեցնում է 16.0 հա տարածք և ունի 1.1 մլն խոր.մ բազալտե պաշար: Հանքավայրը գտնվում է արտադրամասից 1.0 կմ հեռավորության վրա:
Հանքահանումը կատարվում է առանց հորատապայթեցման, բնական ճեղքերով Hyundai R 500 LG-7, Daewoo SOLAR 340LC-V, Dresser 640E մակնիշի հզոր էքսկավատորներով, ինչը հնարավորություն է տալիս արտադրամաս տեղափոխել միայն որակյալ հումք:
Ընկերության արտադրանքի գերադասելի ֆիզիկա-մեխանիկական բնութագրերը պայմանավորված են ընկերությանը պատկանող Շաքիի անդեզիտաբազալտային բաց հանքավայրի բազալտի հումքանյութի բարձր որակական հատկանիշներով: